Скачать с ютуб "Рӯйи фарш ва дастбапушт". в хорошем качестве

"Рӯйи фарш ва дастбапушт".

Пулиси Русия рӯзи 20-уми июн ба зидди муҳоҷирони корӣ аз Осиёи Марказӣ, аз ҷумла Тоҷикистон, дар бозори “Новоясеневский”-и шаҳри Маскав (наздикии метрои “Теплий Стан”) ҳамлаи густарда анҷом дод. Ба гуфтаи шоҳидон, тафтиши муҳоҷирон ба таври таҳқиромез ва бераҳмона ҷараён гирифта, шуморе аз онҳо ба ҷойи номаълум бурда шудаанд. Саҳифаи “База” дар Телеграм, ки гуфта мешавад ба мақомоти қудратии Русия наздик аст, навишт, ҳадафи ҳамла боздошти касоне будааст, ки таҳти пайгард ҳастанд ё ба ҷиноят гумонбар мешаванд. Чунин амалиёту тафтишҳои саросарӣ пас аз ҳамла ба толори консертии “Крокус Ситӣ Ҳол” муҳоҷиронро зери фишори бемонанд гузоштааст. Дар наворе, ки ба Радиои Озодӣ фиристоданд, садои як зани муҳоҷир шунида мешавад, ки мегӯяд, “ҳама бачаҳои тоҷикро боздошт карданд.” #ozodivideo #радиои_озоди #tajikistannews #khabar #tajikistan #душанбе #crocus #крокус #migrants