Скачать с ютуб Alalá nº 199 "Justo O Coea" - TVG в хорошем качестве

Alalá nº 199 "Justo O Coea" - TVG

Alalá nº 199 "Justo O Coea" - TVG Emisión en Televisión de Galicia: 14/04/12 http://alala.crtvg.es Justo naceu no lugar de Coea, parroquia de Castañoso (Navia de Suarna), pegado ó río Navia, nun tramo en que marca o límite entre Lugo e Asturias: Navia de Suarna e A Fonsagrada por unha parte e Ibias por outra. Naceu no ano 37 e ós 14 anos aprox. comezou tocando gaita, unha gaita que lle mercaron en Lugo. Tres anos despois comezou co alcordeón, cun instrumento que lle tocou nunha rifa. Era un instrumento xa de tipo piano pero que tiña pouco máis dunha oitava. Con ese instrumento fizo xa os seus primeiros pinitos ("Doce cascabeles", "Campanera", etc.) e segundo progresaba foi mercando instrumentos máis perfeccionados. Na actualidade ten dous alcordeóns da interesante marca "Paolo Soprani". O Coea ten un saco de anécdotas que contar sobre as súas experiencias tocando en festas e celebraciois da zona que se da en chamar montaña de Lugo. Ten tocado moito absolutamente so, sen outro acompañamento, pero se o presuposto da para varios músicos gústalle levar, polo menos unha batería que lle marque ben o ritmo. Ten chegado a tocar tamén con algún saxo e, por suposto, con gaitas pero nunca grandes montaxes. É un tipo bastante seguro de si, moi boa xente e algo afeito a se-la estrela dos bailes.