Скачать с ютуб ҚАЗАҚ АНАСЫН ІЗДЕГЕН ТҮРІК ЖІГІТ. "АНАСЫН ІЗДЕГЕН ҰЛ" СӘУЛЕ ДОСЖАН в хорошем качестве

ҚАЗАҚ АНАСЫН ІЗДЕГЕН ТҮРІК ЖІГІТ. "АНАСЫН ІЗДЕГЕН ҰЛ" СӘУЛЕ ДОСЖАН

Белгілі қаламгер Сәуле Досжанованың «Анасын іздеген ұл» әңгімесі бойынша автормен байланысқа шығып, kitapjaris оқырмандары үшін арнайы сұхбат алдық. Аталмыш туынды турасында жазушы былай дейді: «Бұл әңгімеде баяндалған жайт өмірде шынайы болған оқиға емес, жазушының шығармашылық қиялынан туындаған. Алайда сол кезеңдерде, тәуелсіздіктің алғашқы жылдарында Қазақстанда осындай оқиғалар болған. Шығарманың жазылуына түрткі болған мына жайтты баяндайын. Аэропортта, шамасы, Түркиядан демалыстан келе жатқан кезде бір жас жігіт маған ұзақ-ұзақ қарап жүрді. Кейіннен қасыма келіп, «Сіздің есіміңізді білуге бола ма?» деп сұрады. Өзімді таныстырып, жазушы екенімді айттым. Жаңағы жігіт: «Сіз менің анама ұқсайды екенсіз. Бағанадан бері сізге қарап отырмын. Анам өмірден өтіп кеткен. Сіздің бейнеңіз, шашыңызды түйгеніңіз, сөйлегеніңіз – бәрі-бәрі дәл анамды есіме салды. Сізге сол себепті зор сағынышпен қарадым», – деді. Міне, бұл әңгіме осы оқиғадан бастау алды. Негізінен менің шығармаларымның жазылуына осындай кішкене оқиғалар түрткі болады. «Анасын іздеген ұл» атты әңгімем шағын ғана болса да, оқырман сондай жылы қабылдады әрі кең таралды».