Скачать с ютуб كيفاش تحدد ثمن الطاكوس بالدرهم و شحال من غرام ديال اللحم خصك الدير فيه в хорошем качестве

كيفاش تحدد ثمن الطاكوس بالدرهم و شحال من غرام ديال اللحم خصك الدير فيه

السلام عليكم les amis مرحبا بكم في قناة snack des amis اليوم غدي نهضر على كيفاش تحدد ثمن الطاكوس بالدرهم و شحال من غرام ديال اللحم خصك الدير فيه.... لا تنسوا تشتاركوا عندنا في القناة و تفعلوا زر الجرس ليصلكم كل جديد... ولاه نبداوا الفيديو ديالنا.    / @snackdesamis   الطاكوس في المغرب وصل لثمن 15 درهم في بعض المناطق، وهذا راجع للأسباب التالية : المنافسة الشرسة بين السناكات... التركيز على كسر او قتل السناك الجار أكثر من التركيز على الجودة و المذاق... المهم غير نرخص باش نبيع أكثر... خصك تعرف أخي الكريم أختي الكريمة أنه باش الدير الثمن للطاكوس او أي سندويش كيخصك تدرس الثمن بعناية، اما الى جيتي ودرتي 15 درهم غير هكاك مخدماش... غدي نعرفوا هذا الثمن اللي وصل ليه الطاكوس اليوم واش مربح او أنك غدي غير في الخسران أحمادي... نبداو الحساب غدي نحسبوا طاكوس بصدر الدجاج باغلى ثمن ونحسبوا أرخص ثمن ونشوفوا شحال غدي يخرج لينا ناخدوا المواد الأولية عندنا : - خبز التورتيلا - 100 غرام الدجاج - 100 غرام فريت - 100 مل صوص نحسبوا ثمن الطاكوس بصدر الدجاج الاغلى ثمنا: نشدوا ثمن صدر الدجاج للكيلو واللي هو 40 درهم ونقسموه على 10 باش يخرج لينا ثمن ديال 100 غرام الدجاج. 100 غرام من صدر الدجاج كتساوي 4 دراهم. نحسبوا ثمن خبز التورتيلا واللي هو 35 درهم للبكية اللي فيها 18 حبة تورتيلا . في الطاكوس عندنا حبة واحدة، اذا غدي نحسبوا ثمن التورتيلا الواحدة . 35 درهم مقسومة على 18 تورتيلا تساوي 1,94 درهم. الان نحسبوا ثمن الفريت، في المغرب في المتوسط الفريت داير من 5 الى 8 دراهم للكيلو، اذا احنا غدي ناخدوا أغلى الثمن باش تكون امورك مظبوطة. باش نحسبوا 100 غرام غدي نديروا هذه العملية : 8 دراهم مقسوم على 10 غدي تعطيك 0,80 درهم. تقريبا 1 درهم. الصوص في المغرب دايرا 35 درهم للقرعة ديال 1 لتر و اللي هي 950 غرام حيث الصوص كتباع للكيلو... المهم 35 درهم مقسومة على 10 تساوي 3,5 درهم. ثمن 100 مل من الصوص داخل الطاكوس غيكلفك 3,5 درهم. الى جمعنا ثمن جميع هذه المواد: 4 + 1,94 + 0,80 + 3,5 = 10,24. وبما أنه عندك مصاريف أخرى مثل : الكهرباء، الماء، الغاز، الكراء، الضريبة، الخداما، السلعة اللي كتخسر او كتلاح... غدي نقولو الطاكوس ديال صدر الدجاج الجودة المزيانة غدي يكلفك ثمن 11 - 12 درهم. وباستعمال الحساب العالمي لوضع ثمن المطاعم واللي هو : 11DH / 30% = 36DH. او الطريقة المشهورة أكثر : 11DH x3 = 33DH ومن هذا الحساب كله وباختصار ومن الاخر ثمن الطاكوس بصدر الدجاج ديال 40 درهم الكيلو حصه يكون ما بين 30 درهم و 35 درهم. في هذه الحالة قد أعتبر شخصيا أن ثمن 25 درهم هو أقل ثمن ممكن تبيع بيه طاكوس بصدر الدجاج اما الى درتيه ب 15 درهم أكيد أنه دجاج قد إستشهد في الحرب بين روسيا و أوكرانيا... لنحسب أقل تكلفة للطاكوس بالدجاج. لقد وصلتني المعلومة أنه بعض من بائعي الدجاج بالجملة لاصحاب السناكات كيبيعوا ليهم ما يسمى بالدجاج Hors-Os يعني كيخوي ليك الدجاجة من العظام وكيبيعها ليك كاملة، بثمن 25 درهم للكيلو. اذا عندنا : . دجاج ديال 25 درهم للكيلو. اذا ثمن 100 غرام هو 2,5 درهم. . الفريت نديروا ثمن 6 دراهم. ثمن 100 غرام هو 0,60 درهم. . الصوص، قلنا ما بين 30 و 35 للقرعة فيها 1 لتر اذا ثمن 100 مل ديال الصوص هو 3,5 درهم. . خبز التورتيلا قلنا كتقام علينا ب 1,94 درهم الآن نجمعوا ثمن طاكوس بارخص سعر الدجاج 2,50 + 0,60 + 3,5 + 1,94 = 8,54 DH هذه 8,54 مزال خصنا نزيدوا عليها الخداما، الفاوتر، الكراء، ضرائب... يعني نقولو ديك 10 دراهم باش غدي يتقام. حسابيا : 10 / 30 ٪ = 33,33 DH 10 x 3 = 30 DH لهذا راه واخا الثمن كيهبط و كيتطلع الى حسبتي مزيان الثمن ديال الطاكوس ديال الدجاج ديالك غدي يعطيك أنه الطاكوس بالدجاج بثمن 15 درهم او حتى 20 درهم ممخرجكش وراك غير كدور في السلعة ومتلف الوقت... اذا اخواني أخواتي الثمن اللي خصنا نديرو للطاكوس هو ما بين 25 و 35 درهم وافظل ثمن هو 30 درهم أما 25 درهم الى كنتى كتبيع بزاف غدي يبان ليك الربح. أي طاكوس حسبتيه غدي يعطيك تقريبا نفس الثمن لهذا أنت لا تحتاج أنك دير عدة أنواع، دير طاكوس باختيار اللحم. أجي تعرف بعض أنواع الطاكوس اللي تقدر ديرهم فالسناك ديالك + طريقة باش الدير طاكوسك الخاص    • أجي تعرف بعض أنواع الطاكوس اللي تقدر ...   لا تنسو الاشتراك وتقييم الفيديو و الرد شكرا لكم على حسن الاستماع واستودعكم الله الذي لا تضيع ودائعه. والسلام عليكم ورحمه الله وبركاته