Скачать с ютуб "Бандиттер өсүп чыкпашы керек!" - Камчыбек Ташиев в хорошем качестве

"Бандиттер өсүп чыкпашы керек!" - Камчыбек Ташиев

Бүгүн, 17-майда, Камчыбек Ташиев Токтогул шаарынын борбордук стадионуна барып, анын бүгүнкү абалы менен таанышып чыкты. Аталган стадион 1980-жылы пайдаланууга берилген бойдон, ушул күнгө чейин капиталдык оңдоодон өткөн эмес. Эми КРнын Министрлер Кабинетинин төрагасынын орун басары - УКМК төрагасы, Кыргыз футбол биримдигинин президенти Камчыбек Ташиевдин көзөмөлү астында, мамлекет башчысы Садыр Жапаровдун тапшырмасын ишке ашыруунун алкагында 100 миллион сом каражатка аталган стадион толугу менен жаңыланат. Кыргыз футбол биримдигинин талаптарына ылайык шарттар түзүлүп, ушул жылдын август айына курулуш иштери аякташы керектигин Камчыбек Ташиев эскертти. Чогулган жергиликтүү жетекчилерге сүйлөп жатып, Камчыбек Ташиев: "Быйыл Токтогул шаарынын ички жолдорун жакшыртуу үчүн 50 млн сом каралганын жана Токтогул районундагы жалпы билим берүү мектептерин жаңылоо планы кабыл алынганын..." - билдирди. Жетекчилерден болсо, мыйзамды так сактап, каражаттарды туура жана максаттууу пайдалануу талап кылынаары, мыйзамсыз иштерге баргандарга катуу чара көрүүлөрү дагы бир ирет эскертилди.