Скачать с ютуб Ibaruwa Interahamwe y'Umubikira yandikiye Burugumesitiri wa Komine Huye yo kwica Abatutsi b'i SOVU в хорошем качестве

Ibaruwa Interahamwe y'Umubikira yandikiye Burugumesitiri wa Komine Huye yo kwica Abatutsi b'i SOVU

ISHYIRWA MU BIKORWA RYA JENOSIDE YAKOREWE ABATUTSI KU MATARIKI YA 3-5/5/1994. Nyuma yo gutsemba abatutsi mu buryo buhambaye mu kwezi kwa kane mu 1994 Leta y’abajenosideri yakomeje n’Ukwezi kwa Gatanu Itsemba abatutsi .Intego yabo nyamukuru kwari Ugutsemba abatutsi bose kuburyo hatazasigara nuwo Kubara Inkuru yibyo yabonye .Umwanditsi wicyamamare w’Umufaransa witwa Gerard Prunier mu gitabo cye yise “THE RWANDA CRISIS;1959-1994:HISTORY OF GENOCIDE “ yavuzeko Umugambi wabateguye Jenoside wari uko bumvagako bagiye gutsemba abatutsi bifashishije abaturage babahutu noneho ku rugamba Ingabo zabo FAR zigahashya Ingabo za RPA Inkotanyi zikabasubiza muri Uganda .maze bagatura bagatunga bagatunganirwa mu gihugu gitengamaye cy’Abahutu gusa nta mututsi ukibarizwamo.mu mitekerereze nkiyo rero niyo mpamvu batsembye abatutsi bose guhera ku ruhinja kugeza ku musaza rukukuri. ariko Inkotanyi zamarere ntizabakundiye ko bashyira mu bikorwa uwo mugambi.rero Mu kiganiro cyacu cyuyu munsi.muri bya biganiro byuruhererekane bigaruka ku ishyirwamubikorwa ry’Umugambi wa Jenoside yakorewe abatutsi tugiye kugaruka ku byaranze iyi Jenoside ku ma tariki ya 3 n’iya gatanu mu kwa Gatanu mu 1994.iki ni igice cya 17 kuri iyi ngingo. mu gutegura iki kiganiro nifashije Igitabo cyashyizwe hanze n’icyahoze ari Komisiyo y’Igihugu yo kurwanya Jenoside CNLG kitwa “RWANDA 1991-1994:ITEGURWA N’ISHYIRWA MU BIKORWA RY’UMUGAMBI WA JENOSIDE YAKOREWE ABATUTSI MU RWANDA” kikaba cyaragiye hanze mu kwezi kwa gatatu mu 2021. iyi ni Intsinzi Tv.Uwaguteguriye Iki kiganiro ni BIZIMANA Christian.naho jye ugiye kukikugezaho ndi ERIC SAFARI.Mbahaye Ikaze. KU itariki 03 Gicurasi 1994 mu mugambi wo gtsemba abatutsi bose ntihasigare nuwo kubara Inkuru habayeho bumwe mu bwicanyi bwakorewe abatutsi mu zahoze ari perefegitura za CYANGUGU NA BUTARE Uwo munsi Abatutsi biciwe kuri ADEPR ya Gihundwe, muri Rusizi.ADEPR Gihundwe yubatse mu Karere ka Rusizi mu Murenge wa Gihundwe, akaba ari na ho hatangiriye Itorero rya ADEPR mu Rwanda. Muri Mata 1994, mu rusengero rwa ADEPR i Gihundwe no mu Rwunge rw’Amashuri rwa Gihundwe hahungiye Abatutsi bari baturutse mu zahoze ari Komine Kamembe na Cyimbogo ahitwa Nyakanyinya, Mutimasi, Murangi na Ruganda.Abatutsi batangiye guhungira i Gihundwe kuwa 14/04/1994 nyuma ya saa sita, nka saa cyenda, ariko ubuyobozi bw’Itorero bwari bwabanje kwanga ko Abatutsi binjira mu kigo, ariko butangiye kwira baje kubareka barinjira. Bukeye bwaho, interahamwe zarinjiye zicamo Umututsi umwe ziragenda. Perefe Bagambiki Emmanuel wa Cyangugu, amaze kumenya ko Abatutsi bahungiye muri ADEPR I Gihundwe no muri Rwunge rw’Amashuri rwa Gihundwe yaje kubatwara abajyana muri Sitade Kamarampaka ababeshya ko ari ho bazacungirwa umutekano. Ntabwo bahise babyemera kuko bari bazi ubugome bwe. Ku wa 03/05/1994 nka saa yine mu gitondo nibwo Abanyeshuri batatu bigaga I Gihundwe bagiye guhuruza abajandarume. Haje abajandarume batatu begeranyiriza Abatutsi bari bahungiye mu kigo, babahuziza mu gikoni cy’Abanyeshuri barabarasa, banabateramo gerenade. Uwo munsi hishwe Abatutsi bagera kuri 40. Abarokotse bahungiye hafi ya Sitade n’ahandi.