Скачать с ютуб O'zbekistondagi bazada kasallanganini da'vo qilayotgan amerikaliklar в хорошем качестве

O'zbekistondagi bazada kasallanganini da'vo qilayotgan amerikaliklar

2021-yilning oxirida “Amerika Ovozi” Qashqadaryo viloyatiga safar qilib, Qarshi tumanidagi Xonobod qishlog’iga borib, u yerdagi vaziyat bilan tanishgan edi. 20 yil oldin O’zbekistonning bu qismida AQSh o’z havo bazasiga ega bo’lgan, 2001-2005 yillarda. Baza qo’shni Afg’onistondagi harbiy harakatlarda muhim rol o’ynagan, strategik vazifalarni bajargan, bu yerdan Afg’onistonga va Afg’onistondan yuk va askar olib o’tilgan. 2003-2004 yillarda bu bazada xizmat qilgan Mark Jekson hozirda Florida shtatida faoliyat yuritadi, hamon qurolli kuchlar safida. Lekin bir paytning o’zida bir necha xastalik bilan kurashadi, xususan suyak, oshqozon va nafas yo’llari bilan bog’liq. Xizmatda ekani bois tibbiy sug’urtasi deyarli barcha muolajalarni qoplaydi. Biroq u yetakchilik qilayotgan faxriylar tashkilotiga ko’ra, Qarshi-Xonobod havo bazasida xizmat qilgan minglab zobitlar bunday imkoniyatlardan mahrum, chunki bu inshoot AQSh hukumati tomonidan xavfli zonalar ro’yxatiga kiritilmagan. Harbiy faxriylar masalalari bilan shug’ullanadigan vazirlik u yerda xizmat qilganlarga ko’plab imtiyozlarni shu bois ham rad etadi. Bu degani, jumladan nafas va asab xastaliklaridan azob chekayotgan faxriylar, saraton orttirgan amerikaliklarning dardiga hukumat befarq, deydi Jekson.