Скачать с ютуб "17-si səhər 10-da mənim uşağım dünyaya gəldi, 11-də də yoldaşımı dəfn etdilər”, Fəridə xatırlayır. в хорошем качестве

"17-si səhər 10-da mənim uşağım dünyaya gəldi, 11-də də yoldaşımı dəfn etdilər”, Fəridə xatırlayır.

Uzun illərdir ki, minalar və müharibənin partlayıcı qalıqları (MPQ) Azərbaycanın münaqişədən zərər çəkmiş bölgələrində yaşayan insanların həyatına təhlükə törədir. 2020-ci ilin payız döyüşlərindən etibarən mülki əhali arasında mina qurbanlarının sayı artmaqdadır. Azərbaycan Respublikasının Minatəmizləmə Agentliyinin (ANAMA) məlumatına görə, 2020-ci ilin noyabr ayından 2024-cü ilin mart ayınadək təxminən 346 nəfər mina və MPQ ilə bağlı faciələrin qurbanı olub. Təəssüf ki, bu təhlükəli partlayıcılardan zərər çəkənlərin sayı dayanmadan artır. 2023-cü il martın 15-də İsrayil və Amid Həsənovlar Ağdam rayonunun Yusifcanlı kəndində minaya düşərək həlak olublar. “Bunu ancaq yaşayanlar bilər. Qıraqdan baxan deyə bilər ki, “Heç nə olmaz, bu gün gedək qayıdacağıq”. Amma getmək var, qayıtmaq yoxdur. Getməyin o ərazilərə. Sevdiklərinizi gözünüzün qabağına alın,” İsrayilin həyat yoldaşı Fəridə kövrələrək danışır. Amid və İsrayilin hekayəsi bu səssiz qatillərin davamlı təhlükə mənbəyi olduğunu faciəvi şəkildə xatırladır.