Скачать с ютуб «Сыр ана» республикалық әншілер байқауы басталды в хорошем качестве

«Сыр ана» республикалық әншілер байқауы басталды

Биыл белгілі композитор, Сыр өңірінің төл перзенті Рамазан Тайманов жетпіс жасқа толды. Осыған орай облыс әкімдігінің қолдауымен «Сыр ана» атты І республикалық әншілер байқауы басталды. Өнер бәйгесінде еліміздің түкпір-түкпірінен және Сыр өңірінен арнайы іріктелген 17 талапкер бақ сынап жатыр. Олар алғашқы кезеңде Рамазан Таймановтың, ал келесі кезеңде еркін тақырыпта ән орындайды. Қатысушыларға Қазақстан Композиторлар одағының төрағасы Серік Әбдінұров, әнші Жеңіс Ысқақова, продюсер Сәрсен Әбдрашева, композитор Сәбит Ұлықпанұлы сынды өнер майталмандары қазылық жасайды. АРАЙЛЫМ МАХАНБЕТЖАНОВА – БАЙҚАУҒА ҚАТЫСУШЫ //Рамазан ағамыздың әндерінің ерекшелігі ол кісі де айтады менің әндерімнің ерекшелігі бір нотасын өзгертсең ән өзгеріп кетеді деп. Сондықтан оның жүрекпен жазатыны, екіншіден әуендері басқаша болады. Байқау болғандықтан «Боздақтар» деген әдемі әнді таңдадым. Және халықтың көңілінен шықты деп ойлаймын. Бүгін ән байқауының екінші кезеңі өтіп жатыр. Өнер бәйгесі бүгін мәресіне жетеді. Оның соңы Рамазан Таймановтың 70 жылдық мерейтойына арналған шығармашылық кешке жалғасады. Сырдың талантты тумасы қазақтың ән қоржынын қайталанбас мұралар қалдырды. Оның «Қорқыт қобыз», «Сыр Ана», «Қазақ қызы» «Махаббат мұңы» сынды көптеген туындылары талай әншінің бағын ашты. Биыл жетпістің желкенін керген композитор ел руханиятына әлі де қызмет етіп келеді. РАМАЗАН ТАЙМАНОВ – ҚАЗАҚСТАННЫҢ ЕҢБЕК СІҢІРГЕН ҚАЙРАТКЕРІ, КОМПОЗИТОР //Мен жақында айтыскерлердің 85-90 жылдардағы антолгия шығарайын деп жатырмыз. Сыр елі ақындарының. Оның өзі үлкен дүние болып тұр. Одан кейін жыраулардың дастандарын жазайын деп жатырмын. Ол да үлкен антология болады деп ойлаймын. Сайт - https://qyzylordatv.kz/ru/live Facebook -   / qyzylordatv   Instagram -   / qyzylordatv   Telegram - https://t.me/qyzylords_tv Tiktok -  / qyzylorda_tv