Скачать с ютуб Шайтанның Сіз білмеген айлалары | Рауан Жұмабайұлы в хорошем качестве

Шайтанның Сіз білмеген айлалары | Рауан Жұмабайұлы

ШАЙТАННЫҢ АЙЛАЛАРЫ Шайтанның бірінші миссиясы – адамзатты тура жолдан тайдыру. Ол азғырудың хас шебері, майталман маманы. Алланың лағнеті болғыр Ібіліс өз мақсатына жету үшін түрлі айлаға барады, адамды алдап соғудың тың тәсілдерін меңгерген малғұн. Егер біз оның айла-тәсілдерін алдын-ала білуге тырысып, тани түсетін болсақ, сақтану жеңіл болады. Ібілістің басты айлаларының бірі ретінде мыналарды атауға болады: 1. Өзін жоқ деп сендіру. Шайтанды жоқ деп есептейтін болсақ, біз оның азғыруын, уәсуәсасын өзіміздің ойымыз деп қабылдаймыз да, нәпсіміздің жетегіне оңай еріп кете береміз. Сондықтан шайтанның бар екенін санамызда тағы бір нықтап бекітіп алу қажет. 2. Алла тарапынан бізге берілген миллиондаған сезімнің қолдану мақсатын ауыстырып жіберу. Яғни, қандайда бір сезімді Құран, сүннеттің мәніне, шариғаттың рухына қайшы қолдану. Сезім ноталарымыздың дирижеры міндетін малғұн шайтанға емес, нұрлы сүннеттің ырқына беруіміз қажет. Мысалы жамандықты тез байқап, жақсылықты байқамау деген сезімді Алла өзімізге қатысты қолдануымыз үшін берген еді, алайда шайтан өзіміздің емес, өзгенің қателігін көріп, өзіміздің емес өзгенің жақсылығын байқамауға, тез ұмытып кетуге бағыттап жіберген. Енді бұған қарсы біз не істеуіміз керек? Қалай сақтанамыз? Ең алдымен Пайғамбарымыздың мына хадисіне құлақ асуымыз керек: تَخَلَّقُوا بِأَخْلَاقِ اللهِ «Мінездеріңді Алла тағаланың мінезімен көркемдеңдер». Алла құлдарына қалай қарым-қатынас жасайтын болса, біз де адамдарға дәл солай мейірімділікке негізделген қарым-қатынаста болуымыз керек. Мәселен, бір пендесінің жақсылығы 51%, ал жаман қыры 49% болса, Алла тағала жақсылығы басым түскендіктен, жақсы адам деп қарым-қатынаста болады. Олай болса біз де осы мінезді бойымызға сіңіруге тырысуымыз қажет. Қорыта айтсақ шайтанның осы және басқа да айла-тәсілдерін зерттеп біліп, оған қарсы Құран мен сүннет ұсынған қорғану тәсілдерін қолдануға талпынайық. Алла тағала шайтанның құрығынан сақтасын баршамызды! Лектор: Әль-Әзһар түлегі, теолог, РАТТ мүшесі Рауан Чингужанов #РауанЧингужанов #ілімдариясы #ilimdariyasy