Из-за периодической блокировки нашего сайта РКН сервисами, просим воспользоваться резервным адресом:
Загрузить через ClipSave.ruУ нас вы можете посмотреть бесплатно Qo‘shiq bo‘lib qaytaman… или скачать в максимальном доступном качестве, которое было загружено на ютуб. Для скачивания выберите вариант из формы ниже:
Если кнопки скачивания не
загрузились
НАЖМИТЕ ЗДЕСЬ или обновите страницу
Если возникают проблемы со скачиванием, пожалуйста напишите в поддержку по адресу внизу
страницы.
Спасибо за использование сервиса savevideohd.ru
O‘zbekiston xalq shoiri Muhammad Yusufning 70 yilligi keng nishonlandi Muhammad Yusuf ijodi xususida so‘z borar ekan, eng avvalo Vatanning otashin kuychisi, muhabbat va insoniylikni baralla tarannum etuvchi, o‘zbek xalqining shonli o‘tmishi, madaniyat va urf-odatlarini, yurtning chamanzorlari, bor boyligiyu-borligini sohir qalam sohibi sifatida dunyoga tanituvchi haqiqiy xalq shoiri, o‘zbekning arzanda farzandi siymosi ko‘z oldimizda gavdalanadi. Muhammad Yusuf sheʼriyatga sokin, shovqinsiz kirib kelgan, adabiyotimiz buni sezmay ham qolgan hatto. Lekin, hech qancha vaqt o‘tmay odamlarni eʼtiborini torta oldi, butun diqqat unga qaratildi. O‘quvchi, kitobxon, muallim, dehqon, sotuvchi, haydovchi: xullas barcha insonlar uning sehrli ijodidan zavq ola boshladi. Sanʼatkorlarning ijodi esa uning sheʼrlari orqali yanada fayz oldi; mashhur, elga manzur bo‘lgan qo‘shiqlar soni ko‘paydi. Bu yil hassos shoir tavalludiga 70 yil to‘ldi. Shu munosabat bilan respublikamizda shoir tavalludiga bag‘ishlangan tadbirlar bo‘lib o‘tmoqda. Jumladan, joriy yilning 3-may sanasida “Silk Road Samarkand” turistik markazining Hilton Samarkand Regency mehmonxonasida Samarqand xalqaro texnologiya universiteti O‘zbek tili va madaniyati markazi tomonidan ham “Qo‘shiq bo‘lib qaytaman…” nomli ma’naviy-ma’rifiy tadbir tashkil etildi. Tadbirda universitet xorijiy va mahalliy professor-o‘qituvchilari, talabalaridan tashqari, shoirning rafiqasi Nazira as-Salom hamda O‘zbekiston yozuvchilar va jurnalistlar uyushmasi Samarqand viloyat bo‘limi xodimlari, adabiyotshunoslar va shoirning muxlislari ishtirok etdilar. Tadbir universitet Media markazi tomonidan tayyorlangan, buyuk shoir Muhammad Yusufning hayoti va ijodiga bag‘ishlangan hujjatli rolikdan boshlandi. Shuningdek, tadbir davomida SIUT professori – “El-yurt hurmati” ordeni sohibasi, Oʻzbekistonda xizmat koʻrsatgan madaniyat xodimi, shoira Xosiyat Bobomurodova shoir ijodiga batafsil to‘xtaldi. Adibning umr yo‘ldoshi Nazira as-Salom so‘zga chiqib, shoir bilan o‘tkazgan umr yo‘llari va yozgan she’rlari tarixi haqida so‘zlab berdi. Tadbir dasturi SIUT Ma’naviyat va ma’rifat boʻlimi boshligʻi Zulfiya Rashidova, universitet talabalari hamda “Sadaf” xalq cholg‘u kamer orkestri tomonidan shoir qalamiga mansub go‘zal she’rlar va ularning asosida yaralgan betakror qo‘shiqlar bilan boyitildi. Shuningdek, tadbirda oliygohning ijodkor talabalaridan tarkib topgan “Oltin Meros” talabalar teatr studiyasi tomonidan tayyorlangan milliy raqslar, ijro etilgan kuy va qo‘shiqlari yig‘ilganlarga ko‘tarinki kayfiyat bag‘ishladi. Muhammad Yusufning betakror ijodi haqida SIUT rektori, professor Yusuf Abdullayev ham alohida to‘xtaldi: “Shoir qoldirgan she’riy me’rosi – bebaho va o‘lmas, har bir she’ri to hanuzgacha yoshlarimizni to‘lqinlantirib, hayotiy o‘rnak bo‘lib kelmoqda”. Ma’naviy-ma’rifiy tadbir “Ulug‘imsan Vatanim” qo‘shig‘i bilan yakunlandi. Qo‘shiqning she’ri va ijrosi barcha tadbir ishtirokchilarining qalblarini larzaga keltirdi va beehtiyor ko‘zlarini yoshlantirdi. Shoirning hayoti va ijod yo‘li haqida qisqacha: Muhammad Yusuf 1954-yil 26-aprel kuni Andijon viloyatining Marhamat tumani Qovunchi qishlog‘ida dehqonlar oilasida tug‘ilgan. 1971-yil o‘rta maktabni tugatib, u Respublika rus tili va adabiyoti institutiga o‘qishga kiradi; o‘qishni bitirib, O‘zbekiston kitobxonlar jamiyatiga muharrir bo‘lib ishga kiradi. So‘ngra, M. Yusuf “Toshkent oqshomi” gazetasi muxbiri, G‘ofur G‘ulom nomidagi adabiyot va san’at tahririyati musahhihi, “O‘zbekiston ovozi” gazetasi muxbiri, O‘zbekiston milliy axborot agentligi bosh muharrir o‘rinbosari, “Tafakkur” jurnali bo‘lim mudiri lavozimlarida faoliyat yuritadi. Ilk she’ri 1976 yil “O‘zbekiston adabiyoti va san’ati” gazetasida chop etilgan. Oradan to‘qqiz yil o‘tgachgina, 1985-yilda shoirning ilk she’riy to‘plami “Tanish teraklar” chop etiladi. M.Yusuf qalamiga mansub “Tanish teraklar” (1985), “Bulbulga bir gapim bor” (1987), “Iltijo” (1988), “Uyqudagi qiz” (1989), “Halima enam allalari” (1989), “Ishq kemasi” (1990), “Ko‘nglimda bir yor” (1991), “Bevafo ko‘p ekan” (1991), “Erka kiyik” (1992), “Osmonimga olib ketaman” (1998) kabi she’rlari o‘zbek xalq she’riyatida chuqur iz qoldirgan. M. Yusuf uchun har bir so‘z, hayotidagi har bir hodisa she’riyat edi. U go‘yo osmonlarda qanot qoqayotgan qush kabi yengil va yorqin hayot kechirgan. Ijodiy pallasi parvoz vaqti juda erta uzilgan... Shoir 2001-yilning 29-iyul kuni vafot etgan. Shoirning o‘lmas satrlari qo‘shiqqa aylanib, qalblarga kirgan she’rlari, uning boladek beg‘ubor qalbidan yangragan ovozi va dunyolarga sig‘may qog‘ozlardan joy olgan ijod mahsullari hech qachon unutilmaydi!