Скачать с ютуб Edsel Juliet E kilo di Lanto в хорошем качестве

Edsel Juliet E kilo di Lanto

CUCUSA (Cuban Curaçao Salsa) ta konsistí di nuebe tema original komponé pa Edsel i areglá pa Eric Calmes ku a hasi un tremendo trabou ku e temanan. Además tin algun tema remix di e produkshon Salsa Coriënte di 23 aña pasá. Grabashon a tuma lugá na Hoorn den studio Chispi Records di Payo, na Almere (Fader Production), na IJmuiden (Black & White studio na aña 1990) i na Kòrsou serka Hershel Rosario su HR Studio. E CD kompleto mester a sali na sèptèmber 2013, pero komo ku mas ku binti músiko di tur parti mundu ta partisipá na e proyekto musikal akí, esaki ta tuma mas tempu ku a plania. Sigur si tuma nota di e entusiasmo i e dedikashon di kada músiko na e proyekto akí. Pero segun Payo, ya ku el a priminti Kòrsou algu pa fin di aña, e ta ten'é na su palabra i ta duna Kòrsou loke e ta spera di dje pa fin di aña. P'esei el a disidí pa saka maske ta dos komposishon di e Proyekto Cucasá pa sera aña 2013 kuné. Edsel "Payo"Juliet ta na Kòrsou, foi dia 4 di novèmber i e ta keda te ku karnaval. Payo no sa ainda si e lo bai partisipá den Festival di Tumba e aña akí ni ku kua banda. Loke ku si ta bai sosodé ta ku Payo lo bai toka tur e piesanan di "Proyekto CUCUSA" banda di e repertorio konosí ku e ta usa den su banda chiki ku ta "Edsel Juliet i La Banda Loca". Edsel Juliet i La Banda Loca lo presentá na Vegas 360, De Heeren, O'Mundo, Kokomo Beach, Zanzibar, Tempo Doeloe, Cinco i na otro sitio mas. Su dos promé presentashonnan ta na Mundu Bizaro djasabra 30 di novèmber i 6 di desèmber na Vegas 360. Tur sobrá fecha ta pone riba su websait www.edseljuliet.com i tambe riba su dos páginan di facebook ku ta Edsel Juliet i Edsel Juliet "Payo". Esnan ku no ta amante di internet, por yama na Tel. 514-7257 pa kalke informashon.