Скачать с ютуб Алаған қолым береген немесе үздіксіз даму дегеніміз не? | Timur Bektur | TEDxSemey в хорошем качестве

Алаған қолым береген немесе үздіксіз даму дегеніміз не? | Timur Bektur | TEDxSemey

Тимур ақпараттық технологиялар мен жаңа медианы қазақ аудиториясына 2010 жылдан бері тұрақты түрде насихаттап келеді. Ол 1983 жылы Маңғыстау облысында ең алғаш мұнай шыққан Жетібай ауылында өмірге келген. Ақтаудағы дарынды балаларға арналған мектеп-интернатты бітірген ол Ш.Есенов атындағы Ақтау Мемлекеттік университетінен "Есептеуіш техникалар мен желілерді аппараттық және бағдарламалық қамтамасыз ету" мамандығын алып шыққан. Қазақ блогосферасының әуелгі буынына жататын Тимур Бектұр 2009 жылдан бастап әрдайым қазақ контентін жасауды алдына мақсат етіп қойып, интернеттегі қазақ тілінің маңызы мен қадірі сол тілде жазылған контентпен бағаланатынын насихаттаумен айналысады. Қазақстанда кең танымалдыққа ие болған Astana Alumni Association (AAA) еріктілер қауымдастығының белді мүшесі болған ол 2010 жылдан бастап қазақ аудиториясына түрлі бағыттағы тренингтер мен семинарларды өткізіп келеді. Қоғамды алға жетелеудің басты кілті - білім беру мен еріктілердің күш-жігері деп білетін Тимур өзінің ағартушылық миссиясындағы 10 жыл тәжірибесінде Атырау, Орал, Маңғыстау облыстарының мыңдаған жастары мен оқушыларына дәрістер оқыған. Сондай-ақ Алматы және Астана қаласында дәстүрлі түрде өткізілетін жаңа медиаға, блогосфераға, журналистикаға қатысты конференциялар мен форумдардың тұрақты спикері. 2016 жылы өзінің Timur academy офлайн-онлайн оқыту орталығын ашқан ол сол жылы Лиссабонда өткен WebSummit стартаптар көрмесіне шақырту алып, қатысады. Сол жылы Маңғыстау облысындағы ең үздік әлеуметтік жоба авторы ретінде "Жыл адамы" атанады. Қоғамға үздік идеялар мен соңғы прогрессив жаңалықтарды жеткізуді өзіне мақсат етіп қойған ол республикалық деңгейдегі журналистер мен блоггерлерді, ғалымдар мен қайраткерлерді, ректорлар мен әр сала мамандарының басын қосқан Amal talks атты ауқымды интеллектуалдық конференцияны ұйымдастырған. Қазақстандағы Сорос қорының iMedia журналистік мектебінің түлегі, ҚР Журналистер одағының мүшесі, ІТ аналитик. Қазіргі таңда "Қазақстан" АҚ республикалық телерадиокорпорациясының интернет бөлім бастығы. IT expert, programmer, blogger This talk was given at a TEDx event using the TED conference format but independently organized by a local community. Learn more at https://www.ted.com/tedx