Скачать с ютуб الرحلة المعجزة 38 ساعة فقط من اسطنبول بتركيا الى اليونان رحلة حمزة حلقة 22 в хорошем качестве

الرحلة المعجزة 38 ساعة فقط من اسطنبول بتركيا الى اليونان رحلة حمزة حلقة 22

#الرحلة_المعجزة #اليونان #رحلة_حمزة رحلة وصولي الى اليونان رحلتي من اسطنبول بتركيا حتى اليونان و التي استمرت فقط 38 ساعة , حاولت فيها توثيق كل لحظة عشتها اثناء هذه الرحلة , بعد انتظار بالغابة اكتر من ساعتين تقريبا , اجت سيارة نقل تجارية حمولتها 4 طن صغيرة , ركبنا بالسيارة من الخلف , كنا تقريبا 8 او 9 اشخاص و كان فيها القارب و البنزين , جلسنا فوق بعضنا , اضطريت اضل واقف و ضهري مائل و رأسي منحني , السيارة كانت مغلقة نهائي من الخلف , ما كنا عارفين وين رايحين , بعض الشباب اللي معنا اتقيأوا بسبب رائحة البنزين و نقص الاكسجين , احد الشباب اعطاهم كيس يتقيأو فيه و اخدو المي اللي كانت معي , وصلنا لمنطقة تانية و نزلونا في غابة و كانت قريبة من البحر , بدأة يجهزوا في القارب , و اول ما جهز نقلوه للبحر و نادوا علينا , ركبنا القارب , و برضه جلسنا فوق بعضنا و كان لازم نضل خافضبن رؤوسنا , في البداية ما كانت الماتور يشتغل , و بدأنا نقلق كتير , بعد حوالي 10 دقايق محاولات اشتغل موتور القارب و بدأت الرحلة ,,, بدأنا رحلتنا الساعة تقريبا 12 او 12 و نص في الليلة , كنا متوقعين بعد 3 او 4 ساعات نصل , و لكن للاسف , حسب اللي سمعته من اللي كانو يسوقوا القارب فينا انهم كانوا تايهين , مرة يقولو يمين و مرة شمال و مش عارفين وين يروحو , كانو على تواصل مع واحد كان يوجههم طول الوقت , و كل شوي تقترب مننا سفن خفر السواحل التركية او اليونانية , كنا كل لحظة نتوقع انه حننمسك , و كان الوضع مقلق جدا , من بداية ما طلعنا لحد ما وصلنا ما حد فينا كان شايف شي , ما كنا نعرف بعض , ولا كنا نقدر نضوي جوالاتنا , ممنوع كان اي حد يشغل جوال حتى ما يكشف الرحلة , و كان ممنوع الحكي كمان لانه الصوت ممكن يصل بالفراغ , مضى اكتر من 4 ساعات بوسط البحر و مش عارفين شو اللي بصير , لحتى الان ما قربنا حتى على اي جزيرة , و صرت اسمع انهم بيحكو انه النهار حيطلع و البنزين حيخلص , كنا تايهين بالبحر , و الموج بدأ يصير عالي كتير , لدرجة انه القارب صار يطلع مسافة لفوق و يخبط بالمي خبط , المي بدأت تدخل علينا , و صارت اصوات اللي معنا تعلى , الكل خايف , و بدأنا نتوتر اكتر و ما عارفين شو حيصير فينا , بدأ النهار يطلع علينا , و لقينا الجزيرة اخيرا و لكن مافي شاطيء ننزل عليه , الجزيرة كانت محاطة بصخور ارتفاعها مش اقل من 2 متر , و مافي مكان نتوقف فيه , بدأوا اللي راكبين يحكو وقف عند الصخر , و انا قلتلهم لا , الموج عالي , لو الموج ضرب القارب بالصخر حنغرق , انا الحمد لله بسبح بشكل جيد جدا , و لكن ما بتضمن الموج يضربك بصخرة و يقتلك , مافي مجال نقف , لحد ما ربنا افرجها و لقينا شط صغير جدا و لكن بيكفي اننا ننزل فيو ,, كان البنزين خلص و لكن وصلنا بفصل الله , بعد ما اتعبينا مي من الموج العالي و كان القارب حيغرق فينا باي لحظة , حمدنا ربنا , و نزلنا على الارض , بيحكو انه في شباب معنا راحو لحالهم و تركونا , انا كنت في الوسط و بدأنا بالدور نطلع على جبال الجزيرة , كنا 17 فرد طلعنا على الجبل , و اتخبينا بالجبل , و في حد من اللي معنا كان معه رقم منظمة اللجوء , اتصل عليهم و بعتلهم الموقع , ضلينا متخبيين و عرفنا انه اجت المخابرات تدور علينا , انا كنت متخبي و ما شفت شي , ضليت بين الشجر لحد ما سمعت حد مننا بيحكي مبروك يا شباب اجت المنظمة , نزلنا عن الجبل , و سلمنا انفسنا الهم , كانو موجودين مع سيارة شرطة , كنت الوحيد اللي بتحدث انجليزي , طلبو مني اترجم للموجودين شو بيطلبو منهم , خلونا نرتاح حوالي 10 دقايق بعدها فتشونا و اخدوا اغراضنا للتفتيش و رجعولنا اياهم بالمركز , وضعونا في الحجز لمدة 4 ايام لحد ما سجلو بياناتنا و اخدو بصماتنا , بعدها وزعونا على غرف مشتركة داخل المخيم , و حددولنا موعد لمقابلة موظف من دائرة اللجوء حتى ياخد معلوماتنا و يقدملنا طلب اللجوء في اليونان , و هاي انا اليوم بفضل الله , بمخيم اللاجئين في اليونان , بجزيرة ساموس اليونانية , بنتظر الرد على طلب لجوئي بتمنى تدعولي اخد الموافقة بأقرب وقت حتى ابدأ حياتي الجديدة في قارة اوروبا , ---------- اذا كنت مهتم بالألعاب بتمنى تشترك في قناتي ألعاب حمزة , حيكونلي شرف كبير وجودك عندي , كل الحب    / hamzagaming1   -------------- يمكنكم اخواني دعم القناة من خلال الاشتراك و الانتساب , اشكر كل من سيقوم بدعمي , كل الحب لكم , -------------- للتواصل للأعمال : [email protected]