Скачать с ютуб с. Железнец (Железник, Демирхисарско) в хорошем качестве

с. Железнец (Железник, Демирхисарско)

Селото Железнец е познато по изворите на Црна Река, а воедно од 2004 година претставува заштитен споменик на културата, поради препознатливата архитектура присутна во селото. Според податоците на Васил К’нчов („Македонија. Етнографија и статистика“) од 1900 година, во селото Железнец имало 320 жители, сите Македонци христијани. Според последниот попис од 2021 година, во селото живееле 16 жители, Река Црна не носела секогаш поплави, туку и убави работи. Според едно од преданијата крај неа потекла и една од познатите македонски народни песни „Ја излези Ѓурѓо“ во која се воспеани војводата Јордан Пиперката и комитите како тргнуваат во Илинденскиот поход. Малкумина знаат дека песната настанала како довикување на две другарки преку речната буица на Црна која го дели Железнец на две страни. Кога од горните демирхисарски села Велмевци, Големо и Мало Илино слегувале востаниците, во Железнец тоа било воодушевувачка глетка. За првпат виделе македонска војска вооружена со развиорени знамиња за борба против турската империја за слобода на Македонија. Востаниците биле гордост македонска. При нивната појава една од најубавите жени од Железнец и викнала на својата другарка која седела од другата страна на реката со силен глас „ја излези излези Ѓурго, ја излези сестро, да ги видиш комитите.“.