Скачать с ютуб Тоо арстаны- Жаныбек казы в хорошем качестве

Тоо арстаны- Жаныбек казы

Эр жигит азап менен алдуу болот, Оюн күлкү, жыргал менен наздуу болот! МК Жаныбек казы Сагынбай уулунун туулгандыгы боюнча ар кандай маалыматтар бар. Айрым маалыматтар боюнча Жаныбек казы 1861-жылы, айрым маалыматтар боюнча 1865-жылы Өзгөндүн Көлдүк айылында туулган. Кээ бир жерлерде 1869-жылы туулган деп да жүрөт. Жаныбек казынын туулгандыгы боюнча мындай маалыматтык түрдүүлүк анын өлүмүнө байланыштуу болгон. Кайтыш болгондугу боюнча да 1933-жылы, 1937-жылы деген башка башка маалыматтарды тапсаңыз болот. Туулгандыгы жана каза болгондугу боюнча маалыматтар түрдүү болсо да, анын канча жыл жашагандыгы бизге айкын белгилүү. Тупатуура 72 жыл өмүр сүргөн экен бул киши. Көрсө, Жаныбек казы чет жакалап, Кытайда жүрсө дагы, совет тыңчылары байма бай казынын артынан түшүп, куугунтуктап келише бергендигинен улам, 1933-жылы Жаныбек казыны совет бийлигине өлдү көрсөтүшкөн экен. Акыйкаттында Жаныбек казы Пакистанга жер которуп кеткен болчу ошондо. Бул жалган маалымат тарыхый булактарга катталып калып, Жаныбек Сагынбай уулунун туулгандыгы боюнча да, каза болгондугу боюнча да башка башка маалыматтардын келип чыгуусуна себеп болуп берген. Совет бийлигин кооптондуруп, артынан коопсуздук кызматкерлерин ээрчитип жүргүдөй Жаныбек казы эмне иш кылган? Бийликтин кандай сырларын билчү? Эмне үчүн Жаныбек казы өзүн “Өлдү” деген жалган маалымат тараткан? Бул суроолорго бир канча убакыт бою жооп издеп көрдүк.