Скачать с ютуб “Laylo” - Dadaxon Xasanov в хорошем качестве

“Laylo” - Dadaxon Xasanov

“Laylo” - Dadaxon Xasanov Rauf Parfi so‘zi Dadaxon Xasanov musiqasi Rauf Parfining “Laylo” qo‘shig‘i talabalar shaharchasidagi yotoqxonada yaralgan. Rauf Parfi she'rga moslab rubobini ting‘illatib, o‘zicha xirgoyi qilib yurgan. So‘ng unga kursdoshi Foziljon Usmonov ham qo‘shilgan. Uning ovozi cho‘ziq, yoqimli, dardli bo‘lgan. “Laylo” qo‘shig‘ida dard bor edi. “Laylo” o‘sha yillari yoshlarning sevimli ko‘rsatuvi bo‘lmish “Studentlik - oltin davrim”da birinchi marta Foziljon Usmonov ijrosida yangrab, yoshlarni entiktirgan, afsonalar yaratgan edi. O‘sha yillari “Laylo” yoshlarning eng sevimli qo‘shig‘iga aylangan edi... Dadaxon Hasanov esa unga professional yondashib, kuy-qo‘shiqni avj nuqtaga olib chiqqan.. 1964 yil, hali talabalik paytida, Rauf Parfi she'riga ijro etgan "Laylo" qo‘shig‘i orqali katta shuhrat qozonadi. 1963 yillarda Dadaxon Xasanov talaba bo‘lib, jurnalistika fakul'tetida badiiy havaskorlik to‘garagining a'zosi bo‘lgan. Shu to‘garakka Rauf Parfi ham qatnashgan... O‘sha paytlarda Dadaxon Xasanov Komiljon Otaniyozovning "Devona ko‘nglim" qo‘shig‘ini "Laylo, Laylo" deb xirgoyi qilib yurgan. Buni eshitib qolgan Rauf Parfi bir kuni uni qo‘liga bir she'r beradi. Bu "Laylo" qo‘shig‘ining satrlari edi. "Shu she'rni qo‘shiq qilib aytgin", deydi Rauf Parfi. Dadaxon Xasanov uni kuyga solib, havaskorlik to‘garagida aytib yuradi. Va nihoyat 1964 yilning oxirlarida O‘zbekiston radiosida Anvar Isroilov rahbarligida “Laylo” qo‘shig‘i magnit tasmasiga yozib olingan. “Laylo” Balki o‘chgan edim yodingdan, Shirin xayolingni buzdim-mi? Laylo, Laylo, sening yoningda Yaproq kabi ko‘rdim o‘zimni, Shirin xayolingni buzdimmi? Seni o‘ylab kelmaydir uyqu - Qora tunning o‘zga sehri bor. Tushlarimda topay deb gulro‘ Man uxlarman mangu ehtimol. Go‘zal tushlar tilayman, Laylo... Yana paydo bo‘lding yo‘limda, Yana yo‘llaringda bo‘zladim. Bechora qalb sening qo‘lingda, Ko‘zlaringda mening ko‘zlarim. Nechun paydo bo‘lding yo‘limda?..