Скачать с ютуб រឿង ទំពាំងទូលដី 4K | by Airplane Tales Khmer в хорошем качестве

រឿង ទំពាំងទូលដី 4K | by Airplane Tales Khmer

Follow us: Facebook page:   / airplanetales   ដើម្បីទទួលបានវិដេអូថ្មីៗ សូមចុច subscribe our channel:    / @airplanetaleskhmer   sound effect : youtube royalty sound. sound effect and background song: link:http://images.apple.com/legal/sla/doc... partner:    / @airplanetale   khmer classic fairy tales is good for people who want to know about our nation classic story. we also make the story from the khmer public school education book and each of it we have include good knowledge in it to help to student learn and more and enjoy the same time. មានបុរសម្នាក់ឈ្មោះតក់និងភរិយាឈ្មោះតុប បានប្រកបរបររកស៊ីកាប់ឈើលក់។ពីរនាក់ប្ដីប្រពន្ធបានធ្វើដំណើរចេញអំពីទីលំនៅ ទៅរកទីណាដែលមានព្រៃច្រើន ដើម្បីប្រាថ្នារកឈើធំៗគ្រាន់បានថ្លៃ ។ បរទេះបានចម្ងាយប្រហែល 1 គីឡូម៉ែត្រ គេក៏ប្រទះឃើញរុក្ខជាតិមួយដើមយ៉ាងធំ មានមែកសាខា ចោលម្លប់ត្រឈឹងត្រឈៃ ប្ដីប្រពន្ធទាំងពីរនាក់ ក៏ឈប់សំរាកនៅទីនោះ ហើយបរិភោគអាហារសម្រន់ការពារការស្រីឃ្លាន ពេលបរិភោគរួចហើយ ភរិយាក៏បាននិយាយទៅកាន់ប្ដីរបស់ខ្លួន។ ប្រពន្ធ៖ ដើមស្វាយព្រៃនេះ ពិតជាធំណាស់មែកក៏ច្រើន ហើយខ្លឹមក៏ល្អទៀត ក៏ប៉ុន្តែយើងកុំអាលកាប់វាអី យើងទុកវាគ្រាន់ជាម្លប់សំរាប់ជ្រកកម្ដៅ មួយរយៈពេលសិនចុះ។ ប្ដី៖ មែនហើយឯងនិយាយនេះ មិនខុសឡើយ នៅខាងនោះដើមឈើទាល ដើមរាំង ដើមត្បែង ដើមក្រឡាញ់ ជាច្រើនទៀត ចាំយើងកាប់អស់ ចាំយើងឡីលកដើមស្វាយព្រៃនេះជាក្រោយ។ បរិភោគអាហារហើយ ប្តីប្រពន្ធទាំងពីរក៏នាំគ្នាសម្រាកយកកម្លាំងរៀនខ្លួន។ និយាយពីដើមស្វាយធំនោះនៅពេលដែលឮថាប្ដីប្រពន្ធពិគ្រោះគ្នាចង់កាប់ខ្លួនដូច្នេះ ក៏មានការភ័យតក់ស្លុចជាខ្លាំង។ ដើមស្វាយព្រៃ៖ យី អញរស់នៅទីនេះជាយូរមកហើយ ហើយបានសេចក្តីសុខណាស់ បើគិតពីអាយុរបស់អញវិញចំណាស់ច្រើនជាង បុរសប្ដីប្រពន្ធនោះទៅទៀត មិនដែលឃើញនរណាម្នាក់ចង់កាប់ប្រហាររូបកាយអញឡើយ ហេតុម្ដេចឡើយចង្រៃអ្វីប្ដីប្រពន្ធនេះ ចង់យកជីវិតអញដូច្នេះ បើដូច្នោះអញត្រូវធ្វើអ្វីម្យ៉ាង ធ្វើណាដើម្បីបន្ទន់ចិត្តប្ដីប្រពន្ធនេះ កុំឲ្យវាយប្រហារអញ មែនហើយ អញត្រូវខំយកខ្លួនបក់ឲ្យខ្លាំងប្រហែលជាគេទាំងពីរនឹកគិតថារូបអញមានប្រយោជន៍ចំពោះគេហើយគេនឹងទុកជីវិតឱ្យអញ ។ គិតឃើញហើយស្វាយព្រៃ ក៏តាំងប្រឹងយកស្លឹកទាំងប៉ុន្មានរណ្ដំគ្នារ៉ាវ បង្កើតជាខ្យល់ហើយត្រសៀកធ្វើឲ្យបុរសនិងភរិយាទាំងពីរប្រាណ និន្ទ្រាលង់លក់ស្កប់ស្កល់ទាំងកណ្ដាលថ្ងៃត្រង់ ប្រហែលជាម៉ោង ២រសៀល បុរសជាប្ដីក៏បានក្រោកចាកពីនិន្ទ្រា ។ ប្តី៖ ម្លប់ស្វាយនេះពិតជាត្រជាក់មែន យើងគួរទុកវាឲ្យរស់ចុះ គ្រាន់សម្រាប់យើងជ្រកនៅថ្ងៃក្រោយ ហើយក៏នាំគ្នាលីកាំបិតពូថៅ តម្រង់ទៅកាប់ដើមឈើទាល។ ដើមឈើទាល៖ ឪម្នាលបុរសដ៏ក្លាហានអើយ សូមអ្នកទុកជីវិតឱ្យរូបខ្ញុំផង ខ្ញុំនឹងសងគុណអ្នកវិញជាមិនខានឡើយ។ ប្រពន្ធ៖ យើងមិនជឿទេ ឯងកុហកយើងជាយូរមកហើយ ឯងមិនអាចដើរហើរ ទៅណាបានឡើយ ឯងបានត្រឹមតែឈរស្ងៀមមួយកន្លែង តើធ្វើយ៉ាងណាទើបអាចសងគុណយើងបាន បើអញ្ចឹងយើងសុំជីវិតឯងនៅពេលនេះហើយ ព្រោះយើងត្រូវការប្រាក់។ ថារួចអ្នកទាំងពីរនាក់ប្ដីប្រពន្ធក៏នាំគ្នាកាប់រលំដើមឈើទាល ផ្ដល់នូវក្តីមរណានៅក្នុងពេលនោះឯង បើទោះបីជាគេទាំង២ ឮសម្រែកថ្ងួចថ្ងូររបស់ដើមឈើទាលយ៉ាងណាក្តី។ ដើមទាល៖ អូយៗ ! ឈឺណាស់ៗ។ ភាពលោភលន់របស់ប្ដីប្រពន្ធនោះ បានធ្វើឱ្យគាត់ទាំងពីរនាក់ចេះតែអនុវត្តដូច្នេះជារៀងរាល់ថ្ងៃ រហូតដល់អស់ព្រៃឈើរលីង ទាំងពីរនាក់សប្បាយរីករាយក្នុងចិត្តពន្ធប្រមាណ ព្រោះគិតថាលែងក្រហើយ គេបាត់ប្រាក់ពីការលក់រុក្ខជាតិទាំងនោះជារៀងរាល់ថ្ងៃ។ និយាយពីដើមស្វាយឃើញប្តីប្រពន្ធ កាប់ដើមឈើនៅក្បែរនោះភ័យណាស់ ក៏ខំធ្វើជាផ្លែ ស្វាយដើម្បីអោយប្តីប្រពន្ធ បានបរិភោគ ដើម្បីអោយពីរនាក់ប្តីប្រពន្ធយល់ថាខ្លួនមានប្រយោជន៌ហើយទុកជីវិតអោយខ្លួន។ ប្រពន្ធ៖ យី ពុកវាមើលហ្នក៎មាន មានស្វាយច្រើនណាស់ ប្ដី៖ មែនហើយ តែប៉ុណ្នេះយើងបានស្វាយ យកទៅឆី ហើយស្វាយដែលនៅសល់យើងអាចយកទៅលក់។ និយាយគ្នាហើយបុរសជាប្តីបានឡើងបេះបានស្វាជាច្រើនយកទៅផ្ទះ។ ក្រោយពេលដែលបេះដើមស្វាយព្រៃក៏អស់ផ្លែ ហើយកាប់ព្រៃឈើអស់ហើយ ពីរនាក់ប្ដីប្រពន្ធក៏គិតគ្នាជាថ្មីម្ដងទៀត ប្ដី៖ ឯងអើយ ព្រៃឈើទាំងនេះយើងកាប់លក់អស់ហើយ តើយើងទៅរកនៅឯណាទៀត។ ប្រពន្ធឆ្លើយដោយមិនបាច់គិតថា ប្រពន្ធ៖ យ៉ស់! ដើមស្វាយនេះទុកធ្វើអ្វី ? ថាតែប៉ុណ្ណោះប្រពនធក៏វ៉ៃក្បិនចាប់ទាញពូថៅលើកឡើងភ្លាម ។ ប្តី៖ ឈប់! បើឯងកាប់វា តើយើងបានអ្វីជ្រកទៀតនៅថ្ងៃក្រោយ? ប្រពន្ធ៖ តទៅមុខទៀត ទីណាមានព្រៃទីនោះមានម្លប់ជ្រកហើយ ។ ដោយបុរសប្ដីជាមនុស្សស្ដាប់ប្រពន្ធគេក៏ឈប់សួរអ្វីទាំងអស់ ហើយក្រោកឡើងទាញពូថៅតម្រង់គល់ស្វាយព្រៃនោះភ្លាម ដើមស្វាយព្រៃ៖ ឲ្យលោកម្ចាស់អើយ ខ្ញុំខំប្រឹងបក់ ជូនលោកម្ចាស់ប្ដីប្រពន្ធឲ្យបានល្ហើយ ឲ្យម្លប់ជ្រោកជារៀងរាល់ថ្ងៃចុះហេតុអ្វីលោកម្ចាស់ នៅតែមិនមេត្តាដល់រូបខ្ញុំដូច្នេះទៅវិញ ។ ភរិយាបុរសចុងចិញ្ចើមហើយឆ្លើយឡើងថា ប្រពន្ធ៖ ឥឡូវនេះយើងលែងត្រូវការច្រករូបឯងតទៅទៀតហើយ តែយើងត្រូវការយករូបឯងទៅលក់ម្ដងវិញ។ ដើមស្វាយព្រៃអស់សង្ឃឹមនិងអង្វរករ ក៏តាំងនិយាយទាំងខឹងទៅកាន់បុរសប្ដីប្រពន្ធនោះ ដើមស្វាយព្រៃ៖ យើងអង្វរករអ្នកមួយជាពីរដងតែអ្នកគ្មានអាសូររូបយើងសោះឥឡូវនេះយើងមុខជាស្លាប់ក្រោមកណ្ដាប់ដៃអ្នកជាសមិនរួចឡើយ តែមុននឹងយើងស្លាប់យើងសុំប្រាប់អ្នកថា អំពើរបស់អ្នកទាំងពីរជាអំពើល្ងង់ខ្លៅខ្វះការពិចារណា និងការទទួលខុសត្រូវ អ្នកនឹងទទួលនូវក្តីវិនាសខ្លោចផ្សាដូច្នេះវិញនៅថ្ងៃណាមួយជាក់ជាមិនខានឡើយ។ ប្រពន្ធ៖ យឺស អាដើមស្វាយចង្រៃ ឯងហ៊ានជេរយើងផង។ ងាប់ទៅៗ.. ដើមស្វាយព្រៃ៖ អូយៗ ឈឺណាស់ៗ ប្រពន្ធបុរសទាញពូថៅកាប់ចិញ្ច្រាំដើមស្វាយដ៏កម្សត់នោះឲ្យក្សិណក្ស័យភ្លាមមួយរំពេច រួចគេជញ្ជូនរូបកាយសាកសពស្វាយព្រៃដាក់លើរទេះហើយបងក៏ចេញទៅ។ យូរថ្ងៃក្រោយមកបុរសប្ដីប្រពន្ធក៏អស់ប្រាក់ចាយ ហើយក៏តាំងនាំគ្នាដើររកកាប់ឈើសារជាថ្មី តែទីកន្លែងចាស់ រុក្ខជាតិតូចធំ ត្រូវរលត់ផុតពូជអស់ទៅហើយ គេត្រូវធ្វើដំណើរឆ្ងាយម្តង ការធ្វើដំណើរកាត់វាលល្ហល្ហេវកណ្ដាលថ្ងៃក្តៅចែសនោះ បណ្ដាលឱ្យបុរសប្តីប្រពន្ធកើតនូវក្តីហត់ស្រេកទឹកយ៉ាងខ្លាំង គេងើយមើលមេឃដែលកំពុងបញ្ចេញសូរ្យសែងក្តៅស្ទើរឆេះ។