Скачать с ютуб Dedhalavie'73 en BIBO "Eres Tu" "Aruba Sharaton Hotel" "Diablo Club" в хорошем качестве

Dedhalavie'73 en BIBO "Eres Tu" "Aruba Sharaton Hotel" "Diablo Club"

Dedhalavie 1973🌹 Cada bes cu mi ta jegando na un final di un di e capitulo nan di mi Liñea di Bida of un parti di dje mi ta sinti mi melancolico. E prome parti aki di Dehalavie mi ta sinti cu mi tawata ainda den un fase di enseñansa y inosencia, siqiendo bon conseho nan manteniendo mi mes na tur reglas nan y sin mi a ripara pasando e puente jegando na madures. Mi por korda con dia mi a jega cas cu e noticia cu nos a haña e contract pa bai Hotel grandi, mi Mama di awor siiiiiii skol! Ma bisa Mama no worry siman pasa mi juffrouw di Spaans a bisa mi……cu mi tin cu eskoge kiko mi ta desea di hasi y si e por duna mi conseho e tawata un siman prome na Divi Divi Hotel y e la sinti cu esei ta mi micion. Mi desicion tawata tuma mi a bandona skol. Sheraton Hotel tawata un responsabilidad grandi ja cu nos ta bai ta presenta 6 bes pa siman. No ta un continuacion tur dia….. Tur dia tawata UN DIA. Mester sosega suficiente, alimenta debidamente, jog, tuma poco solo, descansa , pone paña nan cla, pinta huña nan tur dia, laba kabei lora media vuelta, train stem y descansa stem. No papia hopi y prome cu bo bira wak ja ta momento pa relaha un ora pa ranca sali pa Hotel. Di e rutina aki no tawata tin salida. Nos tawata liber ariba un diamars y e dia aki tawata pa relaha y ora drive inn a habri ta pa bai drive inn. Tawata tin momento nan como hende bo ta cansa of lanta un tiki agota. Ora mi mama ripara esaki mi ta wak e mane spichie di candela bai pafo e ta bin bek cu un rama di yerba di hole e ta pasa mi dos y bisa mi lanta bo spirito ban mira no ta canta bo ke canta lanta bo spirito. Mi ta bise Maa stop…… Mama ta contesta mi pone un pida tras di bo orea wel mi spirito ta lanta di biaha mi ta kore bai den camber. Asina tambe mi Mama a bisa mi, mi yui, ora Bo sali pa bo bai traha, Glorifica bo curpa hasi crus prome bo sali y ora bo bin bek cas hasi crus y drenta cu lomba bo no sa si por tin un alma perdi…… Te dia di awe mi ta sigui mi Mama su siñansa. Nos grandi nan tawata jena cu enseñansa nan Mistico, hasiendo nan mi tawata sinti mi cubrie cu mi Mama su bendicion. Na Mama su manera e tawata cuida su yui…. Na momento cu mi jega Sheraton Hotel ta un dia di fiesta atrobe y alegria……. Laga mi compartie cu boso un cancion cu mi a interpreta durante nos viahe musical jena ainda di inosencia y siñando paso pa paso.🌹