Скачать с ютуб #TalkFood в хорошем качестве

#TalkFood

邊食薯片邊睇片！只要輸入「TALKFOOD」的優惠碼，於英式超市購物滿$100即減$20！立即購買：http://tinyurl.com/ChipsanddTF 好耐冇同大家出去搵食啦，本地遊重出江湖，第一站帶大家嚟到坪洲搵食！雖然坪洲冇長洲咁熱鬧，但美食方面都絕對唔輸蝕㗎！ 今日專程嚟嘅第一間餐廳，就係快車茶餐廳，話就話係茶餐廳，水準絕對拍得住私房菜質素。餐廳由兩夫婦經營，因為老闆身體嘅問題，依家只開星期六日嘅晏晝，可以話係預約困難店！呢度主打本地海鮮，大部分都係朝早同漁民攞貨。所以訂枱嗰陣，記得講埋想食咩海鮮，不過有冇得食就好睇吓當日漁獲啦。 當日試咗煎封魚、籠仔蝦糯米飯同埋鹹蛋南瓜鮑魚。 大推籠仔蝦糯米飯，亦係呢處招牌菜，鮮蝦好大隻，鋪滿飯面，蝦肉緊實彈牙，入口極鮮甜！配埋糯米飯食真係一流～ 今次嘅煎封魚，係黃花魚，魚皮香脆，魚肉滑嫩，唔使蘸醬油，食原味最正！ 鹹蛋南瓜鮑魚，上枱一大盤，每一嚿南瓜滿佈鹹蛋，炸過嘅南瓜軟腍，加埋鹹蛋，鹹鹹甜甜好過癮，鮑魚鮮嫩易咬開，成餐海鮮人均二百幾！嚟坪洲食過一次快車茶餐廳，真係返唔到轉頭～ 跟住就去新寶馬茶餐廳小廚，必食名物菠蘿包夾雪糕，雪糕本身混合咗3款味道：雲尼拿、芋頭同芒果，最重要係菠蘿包新鮮熱辣，面層脆卜卜，加埋雪糕，入口冰火兩重天，除咗挑戰敏感牙齒外，零挑剔！ 呢度仲有乾炒黑椒雞扒炒通粉，炒得好有鑊氣，無論係聞落去定食落肚，黑椒味好濃郁！雖然唔係有坑紋嘅通粉，但係個黑椒汁存在感一樣咁強大！雞扒份量多，肉質唔乾柴，好食喎！ 最後一間祺森冰室，嚟呢度就係為咗蝦多士，基本上一坐低，聽到每枱客人都係叫蝦多士。蝦多士係將方包切成四個三角形，金黃色脹卜卜，又厚身，咬開入面除咗有蝦膠，仲有原隻蝦肉喺入面，咁足料，都係50幾蚊食到～加埋個沙律醬酸中帶甜，配蝦多士好夾呀～ 雖然今集食咗3間鋪，但全部都好有驚喜㗎，大家平時去坪洲又有咩好玩好食呢？歡迎留言話我聽^^ 快車茶餐廳 地址：坪洲永安街53號地鋪 煎封魚 $180 （時價） 籠仔蝦糯米飯 $280 （時價） 日本鹹蛋南瓜鮑魚 $260 （時價） 新寶馬茶餐廳小廚 地址：坪洲永安街29號地鋪 菠蘿包夾雪糕 $38 乾炒黑椒雞扒炒通粉 $68 祺森冰室 地址：坪洲永安街3號地下B號鋪 蝦多士 $53 主持、撰文：Yvonne Lam 攝影、剪接：Peter Li 美術：Anita Lam TalkFood 先填飽肚子再前進 YouTube :    / talkfood   Facebook :   / talkfood   Instagram :   / talkfood   全自費真實食評，內容反映當日質素，並非廣告！最新價格以餐廳為準。 #茶餐廳 #坪洲 #坪洲好去處 #坪洲美食 #快車茶餐廳 #煎封魚 #籠仔蝦糯米飯 #日本鹹蛋南瓜鮑魚 #新寶馬茶餐廳小廚 #菠蘿包夾雪糕 #菠蘿包 #乾炒黑椒雞扒炒通粉 #炒通粉 #祺森冰室 #蝦多士 #街坊小店 #食晏 #外賣 #海鮮 #下午茶 #18區搵食 #TalkFood #TalkFood坪洲 延伸閱讀： #TalkFood【#18區搵食 - -元朗掃街驚喜！巷子裏爆餡章魚燒】   / cwnb_ivnnfd   #TalkFood【#18區搵食—上大帽山飲早茶初體驗！全自助式飲茶試過未？】   / cuo3cukjgh1   00:00 開場 00:35 廣告時間 01:17 快車茶餐廳 04:33 牛皮廠 04:58 新寶馬茶餐廳小廚 06:35 祺森冰室 07:48 總結