Скачать с ютуб Түүлээххэ "Кус миинэ", "Айылгы" аҕа саастаахтар түмсүүлэрэ в хорошем качестве

Түүлээххэ "Кус миинэ", "Айылгы" аҕа саастаахтар түмсүүлэрэ

Түүлээххэ "Айылгы" түмсүү самаан сайыны Байанай аартыгар көрүстэ Алдан эбэбит биэрэгэр "Байанай аартыгар" Түүлээх нэһилиэгин аҕа саастаахтарын "Айылгы" түмсүүтэ самаан сайыны көрсөн кэллибит. Нэһилиэккэ иккис сылын ыытыллыбыт "Кус миинэ" акцияҕа нэһилиэк эр дьоно кус-хаас бэлэхтээбиттэрэ. Ол курдук "Иирэлээх биригээдэтэ" - 16 куһу(Тарский М.М.), "Баҕадьа Чаҥхайдара" -3 хааһы(Ушницкай В.М.), итини таһынан биирдиилээн эр дьон 2-3 куһу аҕалан биэрдилэр. Эбэбит кытылыгар 19 куһу киллэрэн үргээн, астаан, мииннээн истибит. Ордубут кустарбытын, хаастарбытын ыһыахтааҕы көрсүһүүгэ диэн уурдубут. Кус үргээһинигэр түргэн-тарҕан туттунуулаах, ыраастык үргээбит И.Ф. Ушницкая кыайыылаах таҕыста. Иванов Василий Васильевич- II бэйэтэ оҥорбут оонньууларын илдьэ киирэн биир да киһи ордубакка биэдэрэҕэ таҥас мээчиктэри, мастары таба быраҕыыга, сүөһү уҥуоҕунан оҥоһуллубут оонньууларга хамаанданан да арахсан, биирдиилээн да бэркэ табыллан оонньоотулар. Маһынан таба быраҕыыга( городок ) - Марфа Афанасьева, уҥуоҕунан быраҕыыга Илья Румянцев иннилэрин ким да быһа түспэтэ. Итии үүттээх чэй иһэ-иһэ остуол тула олорон сэһэргэһэн, ыллам ырыалары ыллаан, көрүдьүөһү да кэпсэтэн, оонньоон астынан тарҕастылар. Нэһилиэкпит эр дьонугар, кулууптарга, администрацияҕа аҕа саастаахтар түмсүүлэрин аатыттан барҕа махталбытын тиэрдэбит.