Скачать с ютуб “Тинч бўлсин олам” деб куйиб ўтганлар в хорошем качестве

“Тинч бўлсин олам” деб куйиб ўтганлар

Ўзбекистон халқ шоири Иқбол Мирзо “ЮРТНИНГ ОТАСИГА ОСОН ТУТГАНЛАР” Азиз дўстлар, устозлар, одатда Ислом Абдуғаниевич ҳақида гап кетганда у кишининг оғир шароитда, таҳликали даврда мамлакатимизни бошқарди деган фикр кўп айтилади. Мана бугун нишонлаётган китобимизда ҳам бу ҳақда алоҳида тўхталиб ўтилган. Биз ўша давр тўғрисида ҳаммамизнинг, албатта, тушунчамиз бор. Лекин у кишига қанчалик оғир бўлганлигини, у киши қанчалик изтироблар чекканлигини, албатта, Татьяна Акбаровнадан кўра кўпроқ биладиган инсон йўқ. Мен, агар руҳсат берсангизлар, ҳаммамизнинг номимиздан шундай улуғ инстоннинг олдида туриб, сабот билан, бардош билан, ирода билан елкадош бўлиб турган муҳтарама Татьяна опага миннатдорлик билдирмоқчиман, раҳматлар айтмоқчиман. Тимурийлар давлатини, Тимур бобомиздан мерос бўлиб қолган буюк бир давлатни бошқариш осон эмас, ҳеч қачон осон бўлмаган. Баъзи бировлар ўйлаганидек, бу раҳбарларимиз давр сурган, роҳатда яшаган деган фикр, албатта, нотўғри. Устозлар айтганидек, ЮРТНИНГ ОТАСИГА ОСОН ТУТИБ БЎЛМАЙДИ. Оталар “болам” деб кўйиб ўтганлар, Юртни биздан кўпроқ суйиб ўтганлар. Сиз битта уй қуриб саранжом қилинг, Юртнинг отасига осон тутганлар. Биз билмаган ҳавфга тўғаноқ бўлган, Эл дардида юрак-бағри доғ бўлган. Уйламанг, давр сурган, султон, шох бўлган, Юртнинг отасига осон тутганлар. Оёқ остида чўғ, бошида қилич. Кўнгилнинг тубида озодлик, илинж. Сиз ўша дамларни эслайсизми ҳеч, Юртнинг отасига осон тутганлар? Кимдир ҳамон мудрар очиқ кўз билан. Ўйғонинг, ўйғотинг аччиқ сўз билан. Синовлардан ўтсин очиқ юз билан Юртнинг отасига осон тутганлар. Кемага тушганнинг жони бир, билинг. Сиз ҳам халқ деб ўзни сафарбар қилинг. Томошабин бўлманг, ёнинг, интилинг, Юртнинг отасига осон тутганлар. Давлат тимсоли у зоти муҳтарам. Нурли сиймосида Ўзбекистон жам. Дунё кўзи бизда, кўз очинг сиз ҳам, Юртнинг отасига осон тутганлар. Оталар “болам” деб кўйиб ўтганлар. “Тинч бўлсин олам” деб куйиб ўтганлар. Сиз битта ҳовлини саришта қилинг, Юртнинг отасига осон тутганлар. Тошкент, 2018 йил 8 феврал.