Скачать с ютуб Бүтэһик чуораан - 2024 в хорошем качестве

Бүтэһик чуораан - 2024

Ыам ыйын 24 күнүгэр В.В. Алексеев аатынан Тойон Мүрүтээҕи уолаттар гимназиялара сүүрбэ тохсус выпуһун уоланнарыгар анаан бүтэһик чуораан чугдаарда. Быйыл барыта 32 уол гимназияны бүтэрэр. Выпускник лиэнтэтин иилиммит уоланнар күн-күбэй ийэлэрин арыаллаан киирбиттэрэ, вальс үҥкүүлээбиттэрэ олус долгутуулаах. Дириэктэр Ф.Ф. Татаринов, Уус Алдан улууһун баһылыгын солбуйааччы Сторожев А.Д., Мүрү нэһилиэгин баһылыга Румянцев П.Ф., улуус үөрэҕин үлэһиттэрин идэлээх сойуустарын председателэ Попова А.А. 11, 9 кылаас уоланнарын эҕэрдэлээтилэр уонна үөрэх бастыҥнарыгар анал стипендиялары туттардылар. 5, 6 кылаас уолаттара убайдарын ылбаҕай ырыанан, эрчимнээх үҥкүүнэн эҕэрдэлээтилэр. Бу күн выпускниктарга анаан "Бүтэһик уруоктар", "Махтал киэһэтэ" үрдүк таһымнаахтык аастылар. Уоланнар гимназия администрациятыгар, учууталларга, бары үлэһиттэргэ, интернат коллективыгар уонна төрөппүттэригэр бастыҥ-барҕа махталларын ис сүрэхтэн эттилэр.