Скачать с ютуб Şıxlar kəndi ətrafı в хорошем качестве

Şıxlar kəndi ətrafı

Bu görüntüdə Qobustan rayonunun Şıxlar kəndindən bəzi abidələr və görməli yerlər haqqında danışılır. Şıxlar qismən atılmış kənddir. Qışda bu kəndə iki ya üç ailə qayıdar ya qayıtmaya. Xilmilli kəndindən şərqdə yerləşir. Kəndə gəlmək üçün gərək Qozluçayı keçəsən. Şıxlarda əksər evlərin tikilmə tarixi 1960-ci illər dövründədir. 90-cı illərdə kənd tədricən tərk edilib. Kənd ərazisində bir neçə bulaq var. Burada yerləşən məzarlıqda 1960-cı illərdə üzərinə türbə tikilmiş ziyarətgah vardır. Daha bir məzarlıq isə kəndin yaxınlığında qayalığın üstündədir. Orda da ziyarətgahlar vardır. Daha bir türbəsiz ziyarətgah kəndin üstündə ucalan qayalıqdadır. Kənd ətrafındakı dəmyə əkin sahələri fəaliyyətdədir. Bunlardan başqa bir çox meyvə ağacına rast gəlmək mümkündür. Kənddə həmçinin çox sayda təbii və süni şəkildə formalaşmış mağara və zağalar vardır. Onlardan bəziləri dövlət tərəfindən qorunur. Kənd yaxınlığında kvars mədəni olacaqmış. Şıxlar Qobustan rayonun ucqar kəndlərindən biridir. Şərqdən Xızı rayonun Ağdərə kəndi ilə qonşudur.